काठमाडौं । युएईका लागि नेपाली राजदूत कृष्ण प्रसाद ढकालसँग युएईमै रहेको सगरमाथा साहित्य प्रतिष्ठान नेपालको एक टोलीले आज बुधबारका भेटवार्ता गरेको छ । राजदूत ढकालको कार्यकक्ष मै भएको भेटमा सगरमाथा साहित्य प्रतिष्ठान नेपालले गर्दै आएको साहित्यिक गतिविधिको बारेमा संस्थाको तर्फबाट जानकारी गराईएको थियो ।
परदेशमा रहेर पनि साहित्यिक गतिविधिलाई चलायामान गरिराखेकोप्रति राजदूत ढकालले प्रशंसा गर्दै आगामी दिनमा गर्ने हरेक कार्यको लागि सहयात्री बन्ने बताए । युएईमा भइरहेका साहित्यिक गतिविधिलाई आफूले नियाली रहेको र यसले आफूलाई प्रभावित र खुशी पारेको कुरा समेत उल्लेख गरे।
दूतावासबाट हुने साहित्यिक कार्यक्रममा सगरमाथासँग सहकार्य गर्ने र दूतावासको सहभाहिता रहने कार्यको थालनी गर्ने प्रतिबद्धता ब्यक्त गरे।
नेपाली भाषा सहित्यको विकासका लागि प्रवासमा रहेका सर्जक र साहित्यिक संघसंस्थाको महत्त्वपूर्ण भूमिका रहँदै आएकोले यस्तो कार्य निरन्तर हुनु आवश्यक रहेको पनि राजदूत ढकालले बताए।
प्रतिष्ठान तर्फबाट केन्द्रीय महासचिव डि जि शर्मा, केन्द्रीय सदस्य द्वय कृष्ण घिमिरे र राज यात्री लम्सालको सहभागिता रहेको भेटका क्रममा संस्थाले भर्खरै बजारमा ल्याएको संयुक्त ककिता संग्रह हस्तान्तरण गर्दै नेपाली भासा र साहित्यको प्रबर्द्धन गर्न समाजले आग्रह गरेको महासचिव शर्माले जानकारी दिए।
