झापाको बिर्तामोडमा अवस्थित सहारा नेपालले विद्यार्थीलाई न्यानो कपडा वितरण गरेको छ ।

सहाराले शुक्रबार इलामको रोङ गाउँपालिका-६ को मोतिराम माध्यमिक विद्यालयका कक्षा १ देखि १० सम्मका १ सय २० जना विद्यार्थीहरूलाई स्विटर वितरण गरेको हो ।

Advertisement

मोति माविका विद्यालय व्यवस्थापन समितिका अध्यक्ष तिलकप्रसाद अधिकारीको अध्यक्षतामा भएको न्यानो कपडा वितरण कार्यक्रममा सहारा नेपालका अध्यक्ष भरतकुमार गिरीको प्रमुख आतिथ्यता रहेको थियो ।

विद्यालयका प्रधानाध्यापक कुमार मगरले स्वागत गरेको कार्यक्रममा विद्यालय व्यवस्थापन समिति, वडाका प्रतिनिधिहरु, अनुगमन समिति संयोजक दुर्गा भण्डारी, सह-सचिव लालबहादुर गिरी, कार्यसमिति सदस्यहरू हेमराज गिरी र ध्यानबहादुर भारती लगायतका प्रतिनिधिहरूको उपस्थिति रहेको सहारा नेपालका कार्यक्रम व्यवस्थापक मात्रिका सुवेदीले जानकारी दिए ।