झापाको बिर्तामोड नगरपालिका-७ स्थित भुसाबाडीमा रहेको बेल्स मोडल स्कूलमा शैक्षिक प्रदर्शनी कार्यक्रम सम्पन्न भएको छ ।
विद्यालयमा बुधबार कक्षा ४ देखि १० सम्मका विद्यार्थीले पाठ्यक्रमको विषय वस्तुमा आधारित रहेर तयार गरेको प्रयोगात्मक शैक्षिक सामग्रीको प्रदर्शनी गरिएको हो । जस अन्तरगत विज्ञान, गणित, नेपाली र अंग्रेजी विषयका २५० वटा भन्दा बढी प्रयोगात्मक सामग्रीको प्रदर्शनी गरिएको स्कूलले जनाएको छ ।
विद्यालयका अध्यक्ष जयकुमार प्रसाईंको अध्यक्षतामा भएको प्रदर्शनी कार्यक्रमको उद्घाटन बिर्तामोड नगरपालिकाकी नगरप्रमुख पवित्रा महतारा प्रसाईंले गरेकी थिइन् ।
उक्त कार्यक्रममा बिर्तामोड नगरपालिकाका उप-प्रमुख नगेन्द्रप्रसाद संग्रौला, शिक्षा शाखा प्रमुख तिलचन भण्डारी, बिर्तामोड-७ की वडा सदस्य लक्ष्मी खतिवडा, निशा फाउण्डेशनका संरक्षक विष्णु भेटवाललगायतको आतिथ्य रहेको थियो ।
स्कूलका प्रिन्सिपल प्रसाईंले शैक्षिक प्रयोगात्मक कार्यले विद्यार्थी व्यावहारिक ज्ञानको विकास गर्ने बताए । उनले पुस्तकमा भएको सिकाईलाई वास्तविक जीवनसँग जोड्न यस्ता कार्यक्रम प्रभावकारी हुने बताएका छन् ।
प्रर्दशनीमा विद्यार्थीहरुले विज्ञान, गणित, नेपाली र अंग्रेजी विषय अन्तरगत तयार गरेका २५० वटा भन्दा सामग्रीहरु राखिएको थियो । उक्त प्रदर्शनीमा नगरका अन्य १० वटा विद्यालयका विद्यार्थीले अवलोकन गरेका छन् भने आफ्ना बालबालिकाले तयार पारेका सामग्रीहरुको अभिभावकहरुले समेत अवलोकन गरेका थिए ।
विद्यालयका प्रिन्सिपल ताराकुमार प्रसाईंले स्वागतसँगै कार्यक्रमको औचित्यमाथि प्रकाश पारेको कार्यक्रमको सञ्चालन स्कूलका भाइस प्रिन्सिपल देवन ढुंगानाले गरेका थिए ।
