सोल्टी होटेलको सहकार्यमा गेट कलेजको विद्यार्थीलाई एकदिने अध्यापन सम्बन्धि प्रवर्द्धन कार्यशाला बिर्तामोडमा सम्पन्न भएको छ ।
सोल्टीको नेपाल र जर्मनीमा कार्यगत प्रशिक्षण तथा प्रत्यक्ष रोजगारको अवसरसहित ब्याचलरमा अन्तर्राष्ट्रिय हस्पिटालिटी म्यानेजमेन्ट, ब्याचलर इन प्रोफेस्नर हस्पिटालिटी र कुकिङ तर्फ लेभल तीन को (टेफ) कार्यक्रम समेत रहेको बताइएको छ ।
गेट कलेज काठमाडौँका संस्थापक प्रवन्धक खेम लकाई, सोल्टी होटल्सका लर्निङ एन्ड डेभलपमेन्ट अफिसर रुपेश श्रेष्ठ, आदर्श कलेजका सञ्चालक सन्जोग खरेल, बिबेक नेपाल लगायतको उपस्थितिमा झापाका एक सयभन्दा बढी विद्यार्थीलाई अभिमुखिकरण गराइएको थियो ।
विद्यार्थीलाई सोल्टीको प्रबर्द्धनबाट विद्यार्थीको देशमै वा देश बाहिर कमाउँदै सिक्दै कार्यक्रम, रोजगारीका कार्यक्रम बारेमा समेत जानकारी दिएको थियो ।
वर्तमान परिप्रेक्षमा होटल व्यवस्थापन संकायमा विद्यार्थीको आर्कषण बढ्दो रहेको बारेमा जानकारी दिने उद्देश्यले कार्यक्रमको आयोजना गरिएको आदर्श कलेजका विद्यार्थी भर्ना प्रमुख दीपक दासले जानकारी दिए ।
