निजी तथा आवासीय विद्यालय अर्गनाइजेसन नेपाल (प्याब्सन) र राष्ट्रिय निजी तथा आवासीय विद्यालय एशोसिएसन नेपाल (एनप्याब्सन) ले भोलि कोशी प्रदेशसभा भवन अगाडि विरोध प्रर्दशन गर्ने भएका छन् ।
शिक्षा, स्वास्थ्य तथा सूचना प्रविधि समितिबाट पारित भई संसदमा पेश भएको प्रस्तावित शिक्षा विधेयकमा कतिपय प्रावधानहरु प्रति असहमति जनाउँदै आन्दोलनमा रहेका यी दुई संगठनले केन्द्रीय कार्यक्रम अनुसार कोशी प्रदेशमा समेत विरोधका कार्यक्रम सञ्चालन गर्न लागेका हुन् ।
कोशी प्रदेशका सबै जिल्लाबाट प्रतिनिधित्व गर्दै प्याब्सन कोशीको अगुवाइमा प्रदेशसभा भवन अगाडि भेला भएर शान्तिपूर्ण विरोध प्रर्दशन गर्ने कार्यक्रम रहेको छ ।
विरोध प्रर्दशनमा निजी तथा आवासीय विद्यालय अर्गनाइजेशन नेपाल (प्याब्सन) झापाले समेत सहभागीता जनाउने भएको छ । झापाबाट सबै पालिका अध्यक्ष तथा प्याब्सन झापाका पदाधिकारीको सहभागीता रहने प्याब्सन झापाका सचिव लक्ष्मीप्रसाद उप्रेतीले जानकारी दिए ।
उनका अनुसार प्रदेशसभा भवन अगाडि उपस्थित भई व्यानर तथा कालो झण्डासहित शान्तिपूर्ण सभा एवम् विरोध ¥यली लगायतका कार्यक्रम गरिने छ ।
बिहान ११ बजे महेन्द्र चोकमा भेला भएर विरोध ¥याली निकालिने र प्रदेशसभा भवन अगाडि पुगेर प्रर्दशन गर्ने कार्यक्रम रहेको प्याब्सन झापाका सचिव उप्रेतीले बताए ।
