बाह्रदशीमा अवस्थित राष्ट्रिय परीक्षा बोर्डले सार्वजनिक गरेको कक्षा १२ को नतिजा अनुसार पशुपति माध्यमिक विद्यालय पालिकामै उत्कृष्ट नतिजा ल्याएको छ ।
एसइई परीक्षामा समेत पालिकाकै उत्कृष्ट नतिजा ल्याएको पशुपति माध्यमिक विद्यालयले कक्षा १२ मा समेत उत्कृष्ट नतिजा ल्याएको हो ।
विद्यालयका प्रधानाध्यापक थीरकुमार दाहालका अनुसार परीक्षामा सहभागी मध्ये १२९ जनाले कक्षा १२ उत्तीर्ण गरेका हुन् । उनका अनुसार प्राविधिक धार तर्फ सत प्रतिशत विद्यार्थी उत्तीर्ण भएका हुन् । परीक्षामा सहभागी मध्ये ३ दशमलव ६ देखि ४ जीपीए ल्याउने विद्यार्थीको संख्या ८ रहेको छ ।
त्यस्तै ३ दशमलव २ देखि ३ दशमलव ६ जीपीए प्राप्त गर्ने विद्यार्थीको संख्या २५ जना रहेको छ भने २ दशमलव ८ देखि ३ दशमलव २ जीपीए प्राप्त गर्ने विद्यार्थीको संख्या ३६ जना रहेको छ ।
२ दशमलव ४ देखि २ दशमलव ८ जीपीए प्राप्त गर्ने विद्यार्थीको संख्या ४८ जना तथा २ जीपीए देखि २ दशमलव ४ जीपीए प्राप्त गर्ने विद्यार्थीको संख्या १२ जना रहेको प्रधानाध्यापक दाहालले बताए । पालिका भित्र सञ्चालित संस्थागत विद्यालय भन्दा एसइई र कक्षा १२ मा समेत राम्रो नतिजा ल्याएसँगै पशुपति माध्यमिक विद्यालयको चर्चा बढेको छ ।
