बिर्तामोड नगर स्काउटको आयोजनामा तथा न्युटन्स एजुकेसन एकेडेमीको समन्वयमा सञ्चालन गरिएको तीन दिवसीय दलनायक तालिम विशेष समारोहका बीच सम्पन्न भएको छ ।
दलनायक तालिममा बिर्तामोडभित्र रहेका २५ समुदायिक तथा निजी विद्यालयबाट जम्मा ४० जना छात्र तथा छात्राहरुको सहभागिता रहेको थियो ।
तालिममा बिर्तामोड नगर क्षेत्रभित्रका विभिन्न विद्यालयमा स्काउटको गतिविधीलाई चलायमान बनाउँदै सामाजिक दायित्वमा विद्यार्थी सहभागिता बढाउने उद्देश्यले आयोजना गरिएको बिर्तामोड नगर स्काउटका प्रमुख आयुक्त निकुञ्ज शर्माले बताए ।
प्रमुख अतिथि तथा नगर प्रमुख स्काउट नगेन्द्रप्रसाद संग्रौलले बालबालिकालाई सृजनशिल बनाउँदै सामाजिक दायित्व सम्बन्धमा जानकारी गराउन आवश्यक रहेको बताएका थिए ।
तालिमको कोर्स लिडर न्यायजर निकुञ्ज शर्मा रहेका थिए । उनको निर्देशनमा सहभागीहरूलाई नेतृत्व विकास, अनुशासन, टोली समन्वय, स्काउट मूल्य र व्यवहारिक सीपसम्बन्धी प्रशिक्षण प्रदान गरिएको थियो । तालिम अवधिभर समूहगत अभ्यास, कार्यशाला, ल स्काउट शपथ, नेतृत्वमूलक खेल तथा ज्ञानमूलक गतिविधिहरू सञ्चालन गरिएका थियो ।
गत असार ३२ गतेबाट सञ्चालित तालिमको दोश्रो दिन सम्पूर्ण खराब र बेकार तत्वलाई तिलान्जली दिंदै सामाजिक सेवामा समर्पित हुने प्रण गर्न फायर क्याम्पको आयोजना गरिएको थियो ।
उक्त अवसरमा बोल्दै स्काउट नगर परिषद सदस्य तथा न्यूटन्स फाउण्डेशनका प्रधानाध्यापक देवेन्द्र हुमागाईले विद्यार्थीको क्षमता विकासमा स्काउटको महत्वपूर्ण भूमिका रहेको बताए ।
नगर स्काउट वित्त आयुक्त कपिल सापकोटाले कार्यक्रमको औचीत्यमाथी प्रकाश पार्दै स्वागत गरेको समापन कार्यक्रममा बिर्तामोड नगर शिक्षा शाखा अधिकृत तथा स्काउट परिषद सदस्य, लासाङ तामाङ, नगर परिषद सदस्य वेदप्रकाश अग्रवाल, अर्जुन चुडाल, खगेन्द्रराज आङदाम्बे, समाजसेवी रोनक बंशल, कोर्श लिडर गल्स संगीता पराजुली, परिषद स्काउटर, प्रमीला भण्डारी, रोजीना उप्रेती, हिसान झापाका कोषाध्यक्ष तथा निदि कलेजका प्रिन्सिपल रन्जीत शाह, बिर्तामोड नगर भित्रका विभिन्न शैक्षिक संघसंस्थाका प्रतिनिधी लगायतको उपस्थिती रहेको थियो ।
