गोमेन्द्रमा ५३ जनाले गरे रगत दान

संवाददाता/ शुक्रबार, असार २७, २०८२

झापाको बिर्तामोड-४ मा अवस्थित गोमेन्द्र बहुमुखी महाविद्यालयमा रक्तदान कार्यक्रम सम्पन्न भएकोे छ ।

क्याम्पसमा विज्ञान तथा प्रविधि संकाय बिसिए दोस्रो सेमेस्टरमा अध्ययनरत विद्यार्थीले आज आयोजना गरेको रक्तदान कार्यक्रममा ५३ जनाले रगत दान गरेका हुन् ।

क्याम्पस प्रमुख डा.रुपकप्रसाद खनालको प्रमुख आतिथ्यतामा भएको कार्यक्रममा बिबिए को-अडिनेटर शेखर पाण्डे, बिसिए/एमबिएका को-अडिनेटर बिमल राजवंशी, रिसर्च डिपार्टमेन्ट हेड निलम संग्रौला लगायतको आतिथ्यता रहेको थियो ।

बिसिए दोस्रो सेमेस्टरमा अध्ययनरत विद्यार्थी युनिक श्रेष्ठ, दीपक खनाल, इच्छा केरुङ, आविस्कार दुलाल तथा अन्य विद्यार्थीहरुले कार्यक्रमको सहजीकरण गरेका थिए ।