झापाको बिर्तामोड नगरपालिका-२ मा रहेको मोहनमाया माध्यमिक विद्यालयले एसईईमा उत्कृष्ट नतिजा ल्याउन सफल भएको छ ।

विद्यालयबाट एसईई दिएका चार जना विद्यार्थीले ४ जीपीए ल्याउन सफल भएका हुन् ।

Advertisement

४ जीपीए ल्याउने विद्यार्थीहरुमा अनुपमा निरौला, अनुराग लुइँटेल, येलिना तिम्सिना र अश्विन लुइँटेल रहेको विद्यालयका प्रधानाध्यापक शेरबहादुर श्रेष्ठले जानकारी दिए ।

त्यस्तै विद्यालयबाट परीक्षामा सामेल १५३ जना विद्यार्थीमध्ये ३.६० देखि ४ जीपीएसम्म ५७ जना, ३.२० देखि ३.६० जीपीएसम्म ५२ जना, २.८० देखि ३.२० जीपीएसम्म २६ जना र २.४० देखि २.८ं० सम्म ०८ जनाले ल्याएर उत्तीर्ण भएका छन् ।

त्यसैगरी १० जना विद्यार्थीले ननग्रेडेड प्राप्त गरेका छन् । उनीहरु ग्रेडवृद्धि परीक्षामा सामेल हुने विद्यालयले जनाएको छ ।