बिर्तामोडमा अवस्थित न्युटन्स एजुकेशन एकेडेमीमा शुक्रबार ‘न्युटन्स कनक्लाभ’ कार्यक्रम सम्पन्न भएको छ ।
न्युटन्स बाल क्लबको आयोजना भएको कार्यक्रममा प्रमुख अतिथि तथा वक्ताका रूपमा प्राध्यापक डाक्टर रेशबहादुर बस्नेत र प्राध्यापक डाक्टर सन्ध्या कार्की बस्नेत रहेका थिए ।
उनीहरुले आफ्ना विषयहरूमा रहेर आफ्ना विचारहरू व्यक्त गर्नुका साथै विद्यार्थीहरूको जिज्ञासा पनि मेटाएका विद्यालयका इन्चार्ज परासर दाहालले जानकारी दिए ।
उक्त कार्यक्रममा प्राध्यापक रेशबहादुरले वैज्ञानिक न्यूटनले कसरी र किन आफ्नो सिद्धान्त पत्ता लगाउन सफल भए भन्ने विषयमा छोटकरीमा बताउँदै क्याम्ब्रिज विश्वविद्यालयको अनुभव सुनाएका थिए भने डाक्टर सन्ध्या बस्नेतले विद्यार्थीहरु सफल हुन आफ्नो लक्ष्य र दृढ संकल्प लिँदै अगाडि बढ्न सकिन्छ र आफुभित्रकाे शक्ति चिन्नुपर्छ भन्ने विषयमा चर्चा गरेकी थिइन् ।
बाल क्लबका फोकल पर्सन नेत्रप्रसाद निरौलाले स्वागतका साथै कार्यक्रमको सहजीकरण गरेको कार्यक्रमको सञ्चालन रितिका गौतम तथा एलिन आचार्यले गरेका थिए ।
