अमेरिकी विदेश मन्त्रालयले अन्तर्राष्ट्रिय विद्यार्थीहरूका लागि भिसाको ‘अपोइन्टमेन्ट’ कार्य फेरि सुरू गर्ने बताएको छ ।

विद्यार्थी भिसा फेरि सुरू गर्ने बताएको अमेरिकी विदेश मन्त्रालयले त्यसका निम्ति केही शर्त पनि राखेको बीबीसीले जनाएको छ ।

Advertisement

भिसा आवेदन दिने विद्यार्थीहरूको सामाजिक सञ्जाल खाताहरू पनि जाँच गरिने मन्त्रालयले भनेको छ । यसका लागि सबै आवेदकहरूलाई उनीहरूको सामाजिक सञ्जाल प्रोफाइल ‘अनलक’ गर्नुपर्ने खबरमा उल्लेख छ । विशेषगरी राष्ट्रिय सुरक्षामा खतरा निम्त्याउन सक्ने व्यक्तिहरू पहिचान गर्न भिसा जाँचमा उपलब्ध सबै जानकारीहरू प्रयोग गर्ने मन्त्रालयको भनाइ छ ।

अमेरिकी विदेश मन्त्रालयका अनुसार विदेशमा रहेका अमेरिकी दूतावास र वाणिज्य दूतावासहरूले चाँडै नै यी भिसा आवेदनहरूको तालिका फेरि सुरू गर्नेछन् ।