कोशी प्रदेशकै पहिलो सामुदायिक इन्जिनियरिङ क्याम्पसको उद्घाटन गरिएको छ ।
झापा क्षेत्र नं.१ का प्रतिनिधि सभा सदस्य विश्वप्रकश शर्माले मंगलबार एक समारोहकाबीच धुलाबारी क्याम्पसको इन्जिनियरिङ सङ्काय स्तम्भ अनावरण गर्दै प्रदेशकै पहिलो सामुदायिक इन्जिनियरिङ क्याम्पसको उद्घाटन गरेका हुन् ।
उक्त कार्यक्रममा प्रमुख अतिथि सांसद शर्मा, संविधान सभा सदस्य धर्मशिला चापागाई, प्रदेश सांसद गोपाल तामाङ, र नेपाली काँग्रेसका क्षेत्रीय सभापति इन्द्र बहादुर बुढाथोकी लगायतले आ-आफना धारणा राखेका थिए ।
धुलाबारी क्यम्पसका अध्यक्ष भिम खवासको सभापतित्वमा भएको उद्घाटन कार्यक्रममा क्याम्पस प्रमुख पुष्पराज पौडेलले क्याम्पसमा प्राविधिक विषय सञ्चालन गर्ने बिषयमा भएका प्रयास र वर्तमानमा क्याम्पसको अवस्थाका बारेमा जानकारी गराएका थिए ।
सोही कार्यक्रमकैबीच जग्गादाता, क्याम्पसको संस्थापक समिति, चन्दादाता, भवन निर्माण समिति लगायतलाई सम्मान समेत गरिएको थियो ।
क्याम्पस सञ्चालक समितिका उपाध्यक्ष पुनित कुमार बंशलले स्वागत गरेको कार्यक्रमको सञ्चालन दामोदर ढुङ्गेलले गरेका थिए ।
