झापाको भद्रपुर नगरपालिका-१० मा दुई वटा बाल सस्कार केन्द्रको स्थापना भएको छ ।
जनकल्याण प्रतिष्ठानको एकल विद्यालय अभियान अन्तर्गत बालबालिकाहरुलाइ मौलिक सस्कार र सस्कृतिको ज्ञान दिने उद्देश्यले केन्द्रको स्थापना गरिएको हो ।
भद्रपुर नगरपालिका-१० का जनप्रतिनिधि सङ्गीता कोइरालाको अध्यक्षतामा महिला जागरण समुहको सभा हलमा सम्पन्न बाल सस्कार केन्द्र उद्घाटन कार्यक्रममा प्रतिष्ठानका प्रदेश सदस्य इश्वर पोखरेल, नितेश कुमार, अनिता रिजाल र यादवप्रसाद पोखरेल लगायतले शुभकामना मन्तव्य राखेका थिए ।
पत्रकार राजु बरालको सञ्चालन र शकुन्तला पोखरेलको स्वागत रहेको कार्यक्रममा जनकल्याण प्रतिष्ठनन बाल सस्कार केन्द्र अर्जुनधाराकी प्रमुख लक्ष्मी भट्टराईले एकल गायन प्रस्तुत गरेकी थिइन् ।
आज नै प्रतिष्ठानले भद्रपुर-१० कै दुर्गा मन्दिरको सभा हलमा आयोजित कार्यक्रममा दोस्रो बाल सस्कार केन्द्रको स्थापना गरेको छ ।
मन्दिर समिति अध्यक्ष शकुन्तला पोखरेलको अध्यक्षतामा सम्पन्न कार्यक्रममा कार्यक्रमको औचित्य माथि इश्वर पोखरेलले चर्चा गरेका थिए ।
शालिग्राम नेपाल र राजु बरालको संयुक्त सञ्चालन र नयनाथ पाण्डेको स्वागत रहेको उक्त कार्यक्रममा भगिरथ नेपाल, दीपबहादुर राउत र सीता ढुङ्गेल लगायतले शुभकामना मन्तव्य राखेका थिए ।
