झापाको दमकमा रहेको सामाजिक संस्था सानो प्रयास युवा समाजले दमकको दिपिनी आधारभूत विद्यालयका ३०० जना विद्यार्थीहरुलाई शैक्षिक सामग्री प्रदान गरेको छ ।

संस्थाले गर्ने मासिक कार्यक्रमअन्तर्गत शुक्रबार दिपिनी आधारभूत विद्यालयका विद्यार्थीहरूलाई शैक्षिक सामग्री वितरण गरेको हो ।

Advertisement

दिपिनी आधारभूत विद्यालयका कक्षा १ देखि ५ सम्मका विद्यार्थीलाई पाँचवटाका दरले र कक्षा ५ देखि ८ कक्षासम्मलाई सातवटाका दरले १५०० वटा कपी, पेन्सिल, बलपेन वितरण गरेको संस्थाका अध्यक्ष छवि खतिवडाले जानकारी दिए ।

संस्थाले दमक क्षेत्रका विभिन्न सामुदायिक विद्यालयहरुमा शैक्षिक सामग्री, न्यानो कपडा आश्रमहरुलाई खाद्यान्न लगायतका विभिन्न सामाजिक कामहरु गर्दै आइरहेको छ ।