झापाको मेचीनगर-१० मा अवस्थित प्रगतिशील युवा क्लवले आयोजना गरेको आधारभुत तह विद्यालयस्तरीय फुटसल प्रतियोगिताको उपाधि धुलावारी माध्यमिक विद्यालयले उचालेको छ ।
शनिवार धुलावारी फुटसल एरिनामा सम्पन्न प्रतियोगितामा मेचीनगर-१० का सात वटा विद्यालयलाई पछि पार्दै धुलावारी माविले उपाधि हात पारेको हो ।
प्रतियोगिताको विजेता धुलावारी माविले नगद १०,००० रुपैयाँसहित ट्रफि, मेडल र प्रमाण पत्र प्राप्त गरेको छ भने उपविजेता बनेको शिशु साक्षर आधारभूत विद्यालयले नगद ७,००० रुपैयाँसहित ट्रफि, मेडल र प्रमाण पत्र प्राप्त गरेको छ ।
प्रतियोगिताको उत्कृष्ट खेलाडी धुलावारी माविका जुलुम खतिवडा भए भने उत्कृष्ट गोलरक्षक शिशु साक्षर आविका राहुल दनुवार भएका थिए ।
प्रगतिशील युवा क्लवका अध्यक्ष विशाल कार्कीको अध्यक्षतामा भएको प्रतियोगिताको प्रमुख अतिथि मेचीनगर-१० का वडाध्यक्ष नारायण खनाल रहेका थिए ।
उक्त अवसरमा चेतनशील सामुदायिक सिकाई केन्द्रका अध्यक्ष उदय वराईली, शिशु शाक्षर आविका प्रधानाध्यापक लोकनाथ ढकाल, सारदा शिक्षा सदनका प्रधानाध्यापक अर्पण कार्की, धुलावारी माविका शिक्षक चेतन निरौला, प्रेस क्लव मेचीनगरका अध्यक्ष प्रकाश पौडेल, रोलिङ्ग क्लव धुलावारीका सदस्य लक्ष्मी बाँनिया, क्लवका सल्लाकार रोश्नी खनाल, बलाराम चिमरिया, मेदनी खनाल, विभिन्न विद्यालयका शिक्षक, बाल क्लव पदाधिकारी तथा सदस्यहरुको उपस्थिति रहेको थियो ।
सानो कुमार लिम्बूको संयोजकत्वमा भएको कार्यक्रमको सञ्चालन क्लवका कोषाध्यक्ष सुजन घिमिरेले गरेका थिए ।
त्यस्तै शुक्रबारै प्रेस क्लव मेचीनगर र आयोजक प्रगतिशील क्लब तथा मेचीनगर-१० का शान्ति समाज बाल क्लव र टिकापुर बाल क्लव बीच मैत्रीपुर्ण खेल समेत भएको थियो ।
