अर्जुनधारामा सम्पन्न दोस्रो स्वर्गीय कृष्णप्रसाद डाँगी स्मृति फुटबल प्रतियोगिताको उपाधि जनता माध्यमिक विद्यालयले जितेको छ ।
प्रतियोगिताको फाइनल खेलमा भानु माध्यमिक विद्यालयलाई हराउँदै जनता माविले प्रथम स्थान हात पारेको हो । फाइनल खेलमा भानु माविलाई ० को विरुद्ध जनता माविका जर्सी नं.१० का जीवन राईले १ गोल लगाएर फाइनलमा विजय गराएका थिए ।
महारानीगन्ज माध्यमिक विद्यालयको ६९ औं बार्षिकउत्सवको आवसरमा अर्जुनधारा नगरपालिकामा रहेका ११ वटा सामुदायिक विद्यालय अन्तर्गत आधारभूत तहका छात्रहरुको सहभागीता रहेको प्रधानाध्यापक मनबहादुर लिम्बुले बताए ।
खेलमा बेस्ट डिफेण्डर भानु माविका सुसान्त राई, बेस्ट कोलकिपर जनता माविका उज्वल बिक, हाइस्कोर जुनकीरी सार्वजनिक आविका रोशन हास्दा र म्यान अफ दि म्याच जनता माविका जीवन राई, म्यान अफ दि सिरिज भानु माबिका गोपाल मोहोराइ भएका थिए भने उनीहरुलाई नगदसहित प्रमाणपत्र ट्रफी मेडल हस्तान्तरण गरिएको थियो ।
प्रथम हुने विद्यालय जनता माविलाई नगद २० हजारसहित सिल्ड ट्रफी प्रमाणपत्र र उपविजेता भानु माविलाई नगद १० हजार र ट्रफी, सिल्ड, प्रमाणपत्र प्रमुख अतिथि जिल्ला फुटबल संघ झापाका अध्यक्ष भगिरथ आले (मामा) ले एवम् प्रायोजक भक्त डाँगीले प्रदान गरेका थिए ।
गत वर्षदेखि आफ्ना स्वर्गीय बुबा कृष्ण प्रसाद डाँगीको स्मृतिमा अमेरिकामा रहँदै आएका छोरा अरुणकुमार र यही नगरमा रहेका भक्तकुमार डाँगीले बालबालिकाहरुको खेलप्रतिको चाहाना र प्रेरणाका लागि खेलाउँदै आएको डाँगीले बताए ।
