निदि आदर्श युनिटी कप आजबाट सुरु भएको छ ।
खेलको माध्यमबाट विद्यार्थीहरुलाई एकजुट गरी रास्ट्र निर्माणमा टेवा पुर्याउन उद्देश्य राखी खेल सुरु गरिएको निदि इन्द्रेणी क्याम्पस प्रमुख तथा निदि आदर्श युनिटी कपका कार्यक्रमका अध्यक्ष रन्जित शाहले जानकारी दिए ।
उच्च शिक्षालय तथा माध्यमिक विद्यालय संघ नेपाल (हिसान), झापाका कार्यबाहक अध्यक्ष उत्तम खनालको प्रमुख आतिथ्यतामा भएको प्रतियोगिताको उद्घाटन समारोहमा आदर्श स्कुल अफ म्यानेजमेन्टका आउटरिच मेनेजर दीपक दास, कलेजका कोर्डिनेटर तथा सुरुवाती कोठा नेपाल, झापाका कोषाध्यक्ष यगराज कडरिया लगायतको उपस्थिति रहेको थियो ।
प्रिन्सिपल भिष्म प्रसाईंले आयोजकको तर्फबाट स्वागत मन्तव्य राखेको कार्यक्रमको सञ्चालन निदि कलेजका शिक्षक सरोज घिमिरेले गरेका थिए ।
निदिको खेल मैदानमा सुरु प्रतियोगिताको अफिसियलका रुपमा उदय ठाकुर ,सन्तोष धिमाल, सन्तोष दनुवार तथा फोर्थ अफिसियलका रुपमा सितल लिम्बु रहेका छन ।
औपचारिक उदघाट्न खेलमा निदि कम्पुटर साइन्स र बिजनेस स्टडिजबीचको खेलबाट सुरु गरिएको हो । टिम आदर्श फेसबुक पेजबाट प्रत्यक्ष प्रसारण हुने खेलमा निदि, इन्देणी तथा आदर्श स्कुल अफ म्यानेजमेन्टका कम्पुटर साइन्स, बिजनेस स्टडिज, बि.बि.एस, निदि अन्डर १५, आदर्श निलो र बैजनी, साइन्स ब्लक गरी जम्मा सात वटा टिमले सहभागिता जनाउने आदर्श स्कुलका अफिसियल कोच दीपेश खतिवडाले जानकारी दिए ।
