उच्च माध्यमिक शिक्षालय संघ (हिसान) मोरङले आयोजना गरेको खेल सप्ताह अन्तरगत पुरुष फुटबलमा सगरमाथा र कान्तिपुर, क्रिकेटमा विभिएम र अरनिको तथा कवडीमा अर्किड, मोडर्न एरा, कान्तिपुर र ग्रिनल्याण्ड कलेज विजयी भएका छन् ।
शनिबार भएको फुटबलको पहिलो खेलमा सगरमाथा कलेजले जेभियर्स स्कुललाई २-० को गोल अन्तरले पराजित गरेको छ । खेलको प्लेयर अफ द म्याच सगरमाथाका प्रसान्त राई घोषित भएका छन् ।
दोस्रो खेलमा कान्तिपुर कलेजले होलीचाइल्ड कलेजलाई २-० को गोल अन्तरले पराजित गरेको छ । कान्तिपुरको जित प्लेयर अफ द म्याच गौतमकुमार चौधरी घोषित भएका थिए ।
शनिबार नै वैजनाथपुर क्रिकेट मैदानमा भएको पहिलो खेलमा विकेभिएम स्कलले रेडस्टार स्कुललाई ८ विकेट पराजित गरेको छ । टस हारेर ब्याटिङ गरेको रेड स्टारले निर्धारित १३ ओभरको खेलमा १२ ओभरमा सवै विकेट गुमाई ४६ रन बनाएको थियो । रेडस्टारका मुकेश शर्माले सर्वाधिक १३ रन बनाएका थिए ।
विकेभिएमका शिभम यादवले ४ विकेट लिँदा प्लेयर अफ म्याच सचिन्द्रप्रसाद यादवले ३ विकेट लिए । जवाफमा ४७ रनको झिनो चुनौती पाएको विकेभिएमले ९ ओभरमा २ विकेट गुमाई लक्ष पार गरेको थियो । विकेभिएमका धिरेन्द्र खदहरीले १९ रनको योगदान दिए । रेडस्टारका सक्षम नेउपाने र रोशन थापाले १-१ विकेट लिएका थिए ।
दोस्रो खेलमा अरनिको कलेजले शिक्षादिप कलेजलाई ९६ रनले पराजित गरेको छ । टस जितेर ब्याटिङ गरेको अरनिकोले निर्धारित २० ओभरमा ८ विकेट गुमाई १सय ३० रन बनाएको थियो । अरनिकोका समिर आलमले सर्वाधिक ३२ रनको योगदान दिए ।
शिक्षादिपका सौरभ कामत र सुदिप यादवले १-१ विकेट लिए । जवाफमा १ सय ३१ रनको चुनौती पाएको शिक्षादिपले १४ औं ओभरमा सवै विकेट गुमाई ३४ रनमा सिमित भयो । शिक्षदिपका सोरभ कामतले ११ रनको योगदान दिए । अरनिकोका प्लेयर अफ म्याच नुर अहमदले ४ विकेट लिएका थिए ।
शनिबार भएको कवडीको पहिलो खेलमा अर्किड कलेजले सिद्धार्थ स्कुललाई ५६-२४ को स्कोरले पराजित गरेको छ ।
दोस्रो खेलमा कान्तिपुर कलेजले भानु कलेजलाई ४१-२७ को स्कोरले पराजित गरेको छ भने तेस्रो खेलमा मोडर्न एरा कलेजले शिक्षादिप कलेजलाई ५७-३० को स्कोरले पराजित गरेको छ ।
चौथो खेलमा ग्रिनल्याण्ड कलेजले विराट क्याम्पसलाई वाक ओभरमा पराजित गरेको छ । समयमा विराट क्याम्पस मैदान प्रवेश नगरेपछि खेल ग्रिनल्याण्डले वाक ओभरमा विजयी भएको हो ।
शनिबार भएको टेवलटेनिसका खेलहरुमा गल्र्स टीम इभेन्टतर्फ सगरमाथा कलेजले शिक्षादीप उमाविलाई ३-१ को सेट स्कोरले हराउदै फाइनल प्रवेश गर्यो । अर्को सेमिफाइनलमा अरनिको कलेजले मेरिल्याण्ड कलेजलाई ३-० को सेट स्कोरले पराजित गर्दै फाइनलमा प्रवेश गरेको छ ।
त्यसैगरि ब्वाइज टीम इभेन्टतर्फ मेरिल्याण्ड कलेजले शिक्षादीप कलेजलाई ३-० को सेट स्कोरले हराउदै फाइनल प्रवेश गर्यो । अर्को सेमिफाइनलमा विकेभिएम कलेजले सगरमाथा कलेजलाई ३-१ को सेट स्कोरले पराजित गर्दै फाइनल्स प्रवेश गरेको हो
गल्र्स सिङल्सको सेमिफाइनलमा सगरमाथा कलेजकी रुबी मेहताले शिक्षादीप कलेजकी दिव्यान्का खडकालाई ३-० सेट स्कोरले पराजित गर्दै फाइनल प्रवेश गरिन् । त्यसैगरि अर्को सेमिफाइनलमा अरनिको उमाविकी ओमकुमारी चौधरीले मेरिल्याण्ड कलेजकी प्राप्ति कार्कीलाई ३-१ को सेट स्कोरले पराजित गर्दै फाइनल प्रवेश गरिन् ।
त्यस्तै ब्वाइज सिङल्सको सेमिफाइनलमा सगरमाथा कलेजका रजतरमण दवाडीले मेरिल्याण्ड कलेजका सागरबहादुर बस्नेतलाइ ३-१ को सेट स्कोरले पराजित गर्दै फाइनल प्रवेश गरेको छ भने अर्को सेमिफाइनलमा विकेभिएम कलेजका यथार्थ आचार्यले अरनिको कलेजका आयुष यादवलाई ३-० को सेट स्कोरले पराजित गर्दै फाइनल प्रवेश गरेका छन् ।
प्रतियोगीताका सम्पूर्ण फाइनल खेलहरु आइतवार सम्पन्न गरिने जानकारी हिसान टेबल टेनिस प्रतियोगीता संयोजक मणिराज भट्टराईले जानकारी दिए ।
भलिबलको छात्रर्फ पहिलो खेलमा कान्तिपुर कलेजले बुद्ध स्कुललाई २-१ को सेटले पराजित गरेको छ । खेलको प्लेयर अफ म्याच कान्तिपुरका केवल लिम्बु घोषित भएका छन् ।
दोस्रो खेलमा मोडर्न एरा कलेजले ग्यालेक्सी कलेजलाई २-० को सेटले पराजित गरेको छ । खेलको प्लेयर अफ म्याच मोडर्न एराका देवराज थापा मगर घोषित भएका हुन् ।
तेस्रो खेलमा रेड स्टार कलेजले सिद्धार्थ कलेजलाई २-० को सेटले पराजित गरेको छ । खेलको प्लेयर अफ म्याच रेड स्टारका सुरज राई घोषित भएका थिए ।
चौथो खेलमा शिक्षा सन्देश कलेजले शिक्षादिप कलेजलाई २-१ को सेटले पराजित गरेको छ । खेलको प्लेयर अफ म्याच शिक्षासन्देशका सन्तोष खवास घोषित भएका छन् भने छात्रातर्फ रेड स्टार कलेजले अर्किड कलेजलाई २-० को सेटले पराजित गरेको छ । खेलको प्लेयर अफ म्याच रेडस्टारकी स्मृती राई घोषित भइन् ।
