हिसान झापाको आयोजनामा भएको फुटबल प्रतियोगिताको पुरुष तर्फको उपाधि निदि माध्यमिक विद्यालयले जितेको छ ।
शनिबार भएको प्रतियोगिताको फाइनल खेलमा आदर्श स्कुल अफ मेनेजमेन्टलाई पराजित गर्दै निदिले उपाधि जितेको हो ।
त्यस्तै प्रतियोगितामा शिशु निकेतन विद्यालय भद्रपुर तेस्रो भएको हिसान झापाका सचिव देवेन्द्र हुमागाईंले जानकारी दिए ।
हिसान झापाका अध्यक्ष उत्तम खनालको अध्यक्षतामा भएको फाइनल खेलको प्रमुख अतिथि भद्रपुर नगरपालिकाका प्रमुख गणेश पोखरेल रहेका थिए ।
उक्त अवसरमा प्याब्सन झापाका निवर्तमान अध्यक्ष गौरीमान फागो, ग्यालेक्सी इङलिस स्कुलका सञ्चालक सुनिल घिमिरेलाई सम्मान गरिएको थियो ।
हिसान कोशी प्रदेशका सदस्य चन्द्रप्रसाद खनालले मन्तव्यबाट स्वागत गरेको कार्यक्रममा प्रमुख अतिथि नगर प्रमुख पोखरेल, सम्मानित व्यक्तित्व गौरीमान फागो, प्याब्सन झापाका अध्यक्ष छात्रबहादुर कार्की लगायतले आ-आफ्ना धारणा राखेका थिए ।
