यसोदा निरौला स्मृति प्रतिष्ठान बिर्तामोडले शव वाहन सञ्चालनमा ल्याएको छ ।
बिर्तामोड नगरपालिका वडा नं.५ मा अवस्थित उक्त संस्थाले यसोदा निरौलाको नवौं स्मृति सभाको अवसरमा प्रतिष्ठानले शव वाहन सञ्चालनमा ल्याएको हो ।
विपन्न समुदायलाई नि:शुल्क सेवा दिने उद्देश्यले सोमबारदेखि शव वाहन सञ्चालन ल्याइएको प्रतिष्ठानका सचिव तथा स्वर्गीय निरौलाका पति रमेश निरौलाले जानकारी दिए । प्रतिष्ठानले सात लाख रुपैयाँको लागतमा सुविधायुक्त शव वाहन खरीद गरेको उनले बताए ।
“विपन्न समुदायलाई नि:शुल्क सेवा दिने उद्देश्य रहेको छ”, उनले भने , “आर्थिक अवस्था कमजोर भएकै कारण घाटसम्म शव पु¥याउन नसक्ने अवस्थाका समुदायलाई नि:शुल्क र आर्थिक अवस्था राम्रो भएकालाई सञ्चालन खर्च मात्र लिएर सेवा दिन्छौं ।”
वि.सं.२०७२ सालमा स्थापना भएको प्रतिष्ठानले रक्तदान, नि:शुल्क आँखा शिविर, अशक्तलाई ह्वीलचियर, चार महिलालाई आर्थिक सहयोग, ११० जनाको नि:शुल्क स्वास्थ्य बिमा, सामुदायिक विद्यालयलाई अक्षष कोष स्थापनाका लागि एक लाख, पत्रकार महासंघ झापालाई उपचार कोषमा सहयोग गरेको प्रतिष्ठान संस्थापक अध्यक्ष विष्णुकुमार निरौलाले जानकारी दिए ।
बिर्तामोडस्थित बिर्ता सिटी अस्पतालमा प्रसुति गराउने क्रममा यशोदा निरौलाको मृत्यु भएको थियो । बिर्ता सिटीले उपलब्ध गराएको पाँच लाख रुपैयाँ र परिवारको तर्फबाट पाँच लाख गरी १० लाख रुपैयाँको अक्षयकोष स्थापना गरी सामाजिक तथा स्वास्थ्य क्षेत्रमा काम गर्दै आएको उनले बताए । हाल कोषमा १५ लाख रुपैयाँ पुगेको छ । कोषलाई बृद्धि गरी सुत्केरी, गर्भवती महिलाको क्षेत्रका काम गर्ने प्रतिष्ठानको दूरगामी सोच रहेको छ । निकष्ट भविष्य थप सुविधा सम्पन्न शव वाहन गर्ने प्रतिष्ठानले जनाएको छ ।
प्रतिष्ठानका अध्यक्ष नन्दीकेशर निरौलाको अध्यक्षतामा भएको कार्यक्रममा स्वागत सचिव रमेश निरौलाले गरेका थिए भने सञ्चालन संस्थापक अध्यक्ष विष्णुकुमार निरौला गरेका थिए ।
उक्त कार्यक्रममा प्रतिष्ठानका संरक्षक सागरमणि ढकाल, डिल्लीराम खनाललगायत प्रतिष्ठानका तथा परिवारका सदस्यहरुको उपस्थिति रहेको थियो ।
