बिर्तामोड पुस ७ । बिर्तामोड २ स्थित बेलडाँगीमा स्थापना गरिएको कपडा बैंकमा स्थानीयको भिड बड्न थालेको छ ।
वडा कार्यालय परिसरमा स्थापना गरिएको बैंकमा दाताको सहयोग बढ्दो अवस्थामा रहेको वडा अध्यक्ष किशोरकुमार पौडेलले बताए ।
गत बुधबार देखि संचालन भएको कपडा बैंकमा दैनिक २ सय भन्दा बढी स्थानीयले कपडा लिएर जाने गरेका छन् ।
उज्यालो परिवर्तन समाजको समन्वय र वडाको आयोजनामा संचालन भएको बैंकमा शनिबार होम हलुवाईले १ सय ७० सर्ट,पाईन्ट उपलब्ध गराएका छन् भने उज्यालो चिन्तन चौतारीका प्रोपाईटर प्रकाश बुढाथोकीले २ सय जोर जुत्ता उपलब्ध गराएका थिए ।
यस्तै अन्य व्यावसायि तथा दाताले पनि नयाँ,पुराना कपडा जुत्ता लगायतका सामाग्री प्रत्येक दिन उपलब्ध गराउदै आएका छन् । हुनेले दिने नहुनेले लिने अभियान अन्तरगत कार्यक्रम संचालन भईरहेको समाजका सचिब पुस्प पाठकले जानकारी दिए ।
