हल्दिबारी गाउँपालिका वडा नं ३ मा रहेको रामेश्वर आधारभूत विद्यालय ले विद्यालयका सम्पूर्ण १३३ जना विद्यार्थीहरूलाई जाडोको न्यानो कपडा( सुईटर) वितरण गरेको छ ।
स्कुलले ५५ हजार तथा सहयोगी दाताले गरेको ११ हजार सहयोग गरि जम्मा ६६ हजार को कपडा वितरण गरिएको प्राधानाध्यापक मेनका शर्मा दाहाल ले जानकारी दिइन्।

हल्दिबारी गाउँपालिका अध्यक्ष रवीन्द्र प्रसाद लिङ्देनको प्रमुख आतिथ्यतामा भएको कार्यक्रममा प्रमुख प्रशासकीय अधिकृत मानबहादुर वन, शिक्षा शाखा प्रमुख जनककुमारी राई, शिक्षा सहजकर्ता दुर्गाप्रसाद अधिकारी, विद्यालय व्यवस्थापन समितीका अध्यक्ष यसोदा भुजेल, जग्गादाता परिवारका गौशल गुरुङ, समाजसेवी लालबहादुर कन्दङ्वा लगायत विधार्थी तथा अविभावकहरूको उपस्थिति रहको थियो।

Advertisement

कार्यक्रममा बोल्दै अध्यक्ष लिङदेनले विद्यालयले गरेको कपडा वितरण कार्य सर्हानीय रहेको बताए।