शिवसताक्षी । झापाको शिवसताक्षी नगरपालिकाकाे जंगलमा अन्दाजी ३५ वर्षीय पुरुषको शव फेला परेको छ ।

शिवसताक्षीकाे उत्तरी भागमा स्थित रहेकाे धार्मिक तथा पर्यटकीय स्थल सताक्षी धामबाट केही दक्षिणमा उक्त शव फेलापरेकाे हाे ।
घाँस काट्न जाने स्थानीय महिलाहरुले शव देखेपछि प्रहरी कार्यालय खबर गरेको थिए । ईलाका प्रहरी कार्यालय झिलझिलेका अनुसार कालो सर्ट, कालो पेन्ट, निलो रंगकाे व्याग बोकेको अवस्थामा सव फेला गरेको हो । शवको टाउको भाग सडिएको कारण शवकाे पहिचान गर्न मुस्किल भएकाे प्रहरीको भनाइ छ । घाँटीमा बाँधिएको नरिवलकाे डाेरी देख्दा आत्महत्या हुन सक्ने अनुमान प्रहरीकाे छ ।

Advertisement

शवको नजिकै बाट प्रहरीले पानी र रक्सीको बोदलका साथै मोबाइल सेट समेत फेला पारेकाे छ । शवलाई पोष्टमाटमका लागि पठाइएको छ ।