झापाको हल्दिबारी ३ मा नेकपा (माओवादी केन्द्र) को वडा कमिटी पुर्नगठन गरिएको छ । डिकविर कुलुङ राईको अध्यक्षतामा ९ सदस्यीय नेकपा (माओवादी केन्द्र) हल्दिबारी गाउँपालिका ३ नम्बर वडा कमिटी गठन गरिएको हो । माओवादी केन्द्रद्घारा देशव्यापी रुपमा संचालन गरिएको जनतासँग माओवादी विशेष रुपान्तरण ३ महिने अभियान अन्तर्गत हल्दिबारी ३ मा वडा कमिटी पुनर्गठन गरिएको हो । 
कार्यक्रममा माओवादी केन्द्र्का पोलिटव्यूरो सदस्य सावित्री कुमार काफ्ले (समर) को प्रमुख आतिथ्यता रहेको थियो भने पार्टी केन्द्रिय सदस्य तथा हल्दिबारी कमाण्ड ईन्चार्ज ममता ताजपुरियाको विशिष्ट आतिथ्यता रहेको थियो । कार्यक्रमको सञ्चालन हल्दिबारी गाउँकमिटी सचिव जित बहादुर राजवंशीले गरेका थिए ।
त्यसैगरी भेलाले सितल किस्कुको अध्यक्षता ९ सदस्यीय मजदुर संगठन निर्माण गरेको छ भने रञ्जना मिश्रको अध्यक्षता ७ सदस्यीय अखिल नेपाल महिला संगठन गठन गरेको छ । त्यसैगरी धिरेन गिरीको अध्यक्षता ७ सदस्यीय अखिल क्रान्तिकारी ३ नं. वडा कमिटी गठन गरिएको हल्दिबारी ईन्चार्ज ताजपुरियाले बताइन।
