झापा , बैशाख १५। इलाका प्रहरी कार्यालय नकलबन्दाबाट खटिएको प्रहरी टोलीले लागू औसधि सहित १४ बैशाखमा ३ जनालाई पक्राउ गरेको छ ।

मेचीनगर नगरनगरपालिका वडा नं. ५ स्थित भारतबाट नेपाल तर्फ आउदैं गरेका नुवाकोट तार्केश्वतर गाउँपालिका वडा नं.३ बस्ने वर्ष ३० को सविन परियार, सिन्धुली दुधौली नगरपालिका वडा नं. ११ बस्ने वर्ष ३० को खड्ग सुनुवार र झापा मेचीनगर नगरपालिका वडा नं. ५ बद्रीटोल बस्ने वर्ष २३ को विक्रम दनुवारलाई पक्राउ गरेको जिल्ला प्रहरी कार्यालय झापाले जनाएको छ ।

Advertisement

उनीहरुलाई शंका लागी चेकजाँच गर्दा लागूऔषध खैरो हेरोईन ७० ग्राम फेला परेकोले ३ जनालाई नै नियन्त्रणमा लिई ईलाका प्रहरी कार्यालय काँकरभिट्टामा राखी थप अनुसन्धान कार्य भइरहेको प्रहरीले जनाएको छ ।