झापाको कनकाई २ जामुनखाडीबाट लागू औषधसहित तीन जनालाई प्रहरीले नियन्त्रणमा लिएको छ । जामुनखाडी सिमसारका भानु दाहालको घरको कोठा भित्र लागूऔषध सेवन भइरहेको भन्ने सुचनाको आधारमा ईलाका प्रहरी कार्यालय सुरुङगाको प्रहरी टोलीले मंगलबार उनीहरुलाई नियन्त्रणमा लिएको हो ।
पक्राउ पर्नेमा कनकाई–३ का ४० बर्षिय भानु दाहाल, इलाम माई नगरपालिका वडा नं. ०८ का ३९ बर्षिय आशबहादुर लिम्बु र सोही स्थान घर बताउने ३२ बर्षिय उमेश राई रहेका छन् ।
सुचनाको आधारमा दाहालको घर कोठामा चेकजाँच गर्दा उनीहरुले टिनको छाना मुनी काठको तक्ती माथी लुकाई राखेको ब्राउन सुगर जस्तो देखिने लिसाइलो पदार्थ ५ ग्राम ३०० मिलिग्राम, नगद ३४ हजार रुपैयाँ, मोवाईल ३ थान र आशबहादुर राईको नाममा रहेको मे.९ प.९२९६ नं.को पल्सर मोटरसाईकलसहित नियन्त्रणमा लिएर ईलाका प्रहरी कार्यालय अनारमनीमा राखी थप अनुसन्धान कार्य भईरहेको जिल्ला प्रहरी कार्यालय झापाले जनाएको छ ।
