झापा । बिर्तामोड स्थित पुर्वेली मजदुर यातायात प्रा.लि र बिएण्ड सि अस्पताल बीच दुर्घटना घाइते उपचार छुट सम्बन्धि सम्झौता भएको छ।
यातायात मजदुर दुर्घटना परेका बेला अस्पतालले १२ देखि २० प्रतिशत छुट दिने भएको छ ।
सवारी चालक दुर्घटनामा पर्दा उपचारमा समस्या हुने गरेकाले अस्पताल संग समन्वय गरि सम्झौता गरिएको पुर्वेलीका अध्यक्ष हरिप्रसाद बास्कोटाले जानकारी दिए ।
बिर्तामोडका ३ सय बढी सवारी चालक संघमा आबद्ध छन् । सिटि रिक्सा ,टेम्पोका चालक लाई मध्यनजर गर्दै सो कार्यक्रम संचालन गरिएको अध्यक्ष बास्कोटाले बताए ।
अस्पताल परिसरमा आज एक कार्यक्रमका बिच डाक्टर रामबाबु गिरि र संघका अध्यक्ष बास्कोटाले सम्झौता पत्रमा हस्ताक्षर गरेका छन् ।
सवारी चालकको स्वास्थ लाई मध्यनजर गर्दै अस्पताल संग सम्झौता पछि दुर्घटनामा परि घाइते भएमा अस्पतालले ३ लाख सम्म १२ प्रतिशत र त्यस भन्दा माथी खर्च भएका २० प्रतिशत छुट प्राप्त गर्ने बताईएको छ।
