बिर्तामोड । बिर्तामोड नगरपालिका वडा नम्बर २ चारपानेमा शुक्रबार घरेलु हिंसासम्बन्धी कानून र कानुनी प्रावधानबारे एकदिने अभिमुखीकरण कार्यक्रम सम्पन्न भएको छ ।
वडा नम्बर २ वडा कार्यालयको आयोजनामा सामुदायिक भवनको हलमा आयोजित कार्यक्रममा सहभागीहरुलाई महिला हिंसा र कानूनी प्रक्रियाका बारेमा जानकारी गराइएको थियो ।
कार्यक्रममा बोल्दै नगर उपप्रमुख नगेन्द्रप्रसाद संग्रौलाले पछिल्लो समय महिला हिंसासंगै पुरुष हिंसा पनि बढ्दै गएको बताए ।
अधिवक्ता कविता शर्माले प्रशिक्षक प्रदान गरेकी थिइन् । ईलाका प्रहरी कार्यालय बिर्तामोडका प्रमुख डिएसपी सुरज कार्कीले बिर्तामोडमा मात्रै वार्षिक १ सय ८० वटा भन्दा बढी हिंसाका मुद्धा दर्ता हुने गरेको जानकारी दिए ।
वडा सचिब हिमा पोख्रेलले संचालन गरेको कार्यक्रममा कार्यवाहक वडाध्यक्ष ओमनाथ गौतमको अध्यक्षता रहेको अभिमुखीकरण कार्यक्रममा कार्यपालिका सदस्य तिला गौतमको स्वागत रहेको थियो । कार्यक्रममा शर्मिला राजवंशी, संगिता सिवा, वडा सदस्य शर्मिला तिखत्री, चेतन विमली, सहारा नेपालकी कमला थपलियालगायत ७० जनाभन्दा बढीको सहभागिता रहेको थियो ।
