झापा । झापाको बिर्तामोडमा आयोजना हुने अन्तराष्ट्रिय व्यापार महोत्सवमा विद्यार्थीलाई प्रवेश निशुल्क गरिएको छ ।
बिर्तामोड उद्योग वाणिज्य संघको आयोजनामा फागुन ५ देखि १५ गतेसम्म व्यापार महोत्सवमा केही समय अधि सामुदायिक बिद्यालयका बालबालिका लाई मात्र प्रवेश निशुल्क भनिएको थियो ।
सामाजिक संजाल र निजि क्षेत्रको सुझावलाई सम्बोधन गर्दै निर्णय संशोधन गरिएको उद्योग बाणिज्य संघका महासचिव अर्जुनकुमार मैनालीले जानकारी दिए । उनका अनुसार बिहान १० बजे देखि बेलुकी २ बजे सम्म बिद्यालय पोसाकमा शिक्षकको रोहबरमा बिद्यालयको पत्रका साथमा आएका बालबालिकालाई प्रवेश शुल्क लाग्ने छैन ।
बालबालिकालाई व्यावसाय र उद्योग संग जोड्दै लैजान यस्तो निर्णय गरिएको मैनालीले जानकारी दिए ।
बिर्तामोड–२ को रामचोकस्थित पूर्वपश्चिम राजमार्ग उत्तर क्षेत्रमा आयोजना हुने उक्त महोत्सवको तयारी तीब्र गतिमा अघि बढिरहेको महासचिव मैनालीले जानकारी दिए ।
