बिर्तामोड २०। पञ्चरत्न बालक्लबको आयोजनामा उद्घोषण तथा नेतृत्व बिकास तालिम सुरु भएको छ।
बिर्तामोड २ चारपाने स्थित चैतुबारीमा रहेको पञ्चरत्न माध्यमिक बिद्यालयमा क्लबले शनिबारदेखि बालबालिकाको क्षमता वृद्धि गर्न तालिम आयोजना गरिएको हो । 
प्रधानाध्यापक एंव बालक्लब संरक्षक योगेन्द्रमणि दाहालको प्रमुख आतिथ्यतामा आयोजित उद्घाटन कार्यक्रममा ३५ जना बालबालिकाको सहभागीता रहेको छ ।
अध्यक्ष हिमा अधिकारीको अध्यक्षता रहेको कार्यक्रममा सदस्य प्रतिमा रिजालको स्वागत रहेको थियो भने संचालन ओकल पर्सन बद्री घिसिङले गरेका थिए।
सात दिन सम्म संचालन हुने तालिमको सहजीकरण बालबालिका तथा शिक्षा संचार मञ्चका संयोजक सरोज पौडेलले गरिरहेका छन् ।
क्लबले बालबालिकाको क्षमता निर्माण गर्न रचनात्मक गतिविधि गर्दै आएको छ। यस अघि पनि २ दिवसीय आधारभूत भित्ते पत्रीका सम्बन्धि तालिम सम्पन्न गरिएको अध्यक्ष अधिकारीले जानकारी दिईन ।
