बिर्तामोड । वीर अमरसिंह माध्यमिक बिद्यालयका पुर्व विद्यार्थी प्रतिमा बजगाई पौडेलले अक्षयकोषको लागि आर्थिक सहयोग गरेकी छिन् ।
बिर्तामोड २ स्थित चारपानेमा रहेको बिद्यालयका बालबालिका लाई अध्ययन गर्न सहयोग पुग्ने हिसाबले स्थापना गरिएको अक्षयकोषको लागि पौडेलले आफ्नी स्वर्गीय आमा हेम कुमारीको नाममा एक लाख पाँच हजार नगर सहयोग प्राप्त भएको प्रधानाध्यापक यदुनाथ अधिकारीले जानकारी दिए । 
रकम हस्तान्तरण कार्यक्रममा बोल्दै दाता पौडेलले ग्रामीण भेगका बालबालिका लाई पठनपाठनमा सहयोग पुग्ने र बिद्यालय लाई पनि समस्या नहोस् भनेर सहयोग गरिएको बताइन् । हाल काठमाडौमा बसोबास गर्दै आएकी उनले सो बिद्यालयमा कक्षा ७ सम्म अध्ययन गरेकी थिइन् ।
सोही कार्यक्रममा बिद्यालयले डेनमार्क बाट आएका दुई जना पाहुना शिक्षक स्वागत समेत गरेको छ।
२ लाख बाट शुरु भएको अक्षयकोष १८ लाख पुगेको र यस कोषबाट प्राप्त भएको रकम बालबालिकाको पढाइ र अन्य गतिविधिमा खर्च गरिने बताईएको छ ।
