भाद्र ३ बिर्तामोड । महेन्द्र रत्न माध्यमिक विद्यालयले गुणस्तरीय शिक्षा अभिवृद्धि र प्रभावकारीताका विषयमा अन्तरक्रिया कार्यक्रम सम्पन्न गरेको छ ।
बिर्तामोड वडा नम्बर ३ मा रहेको बिद्यालयले साउन तेस्रो साता देखि कक्षागत रुपमा शिक्षक तथा अभिभावक बीच छलफल संचालन गरिरहेको बिद्यालयले जनाएको छ। बालबालिकाको शैक्षिक गुणस्तर वृद्धि तथा ब्यबहारिक शिक्षाका विषयमा सरोकारवाला निकाय अभिभावक र शिक्षक संग छलफल गरिएको हो । 
बिहिवार कक्षा ८ का अभिभावक सँग छलफल संचालन सम्पन्न भएको छ। शिक्षक अभिभावक संघका सदस्य टिका प्रसाद संग्रौलाको अध्यक्षतामा आयोजित कार्यक्रममा विद्यालय व्यवस्थापन समितिका अध्यक्ष टंक प्रसाद सेढाईको प्रमुख आतिथ्यता रहेको कार्यक्रमको शिक्षक युवराज कट्टेल प्रष्ट पारेका थिए ।
व्यवस्थापन समितिका अध्यक्ष सेढाई विद्यालयले शैक्षिक क्यालेन्डर निर्माण गरि विद्यालयका गतिविधि अघि बढाएकोले सवैले प्रयत्न गर्दा मात्र विगत दुई वर्ष अघिको कोभिडको कारण भएको शैक्षिक क्षतिलाई पुर्ती गर्न सकिने बताए ।
प्रधानाध्यापक खड्ग प्रसाद खरेलले सिकाईले वृद्धिको निम्ति विद्यालयले अभ्यास संगै रचनात्मक गतिविधि गर्दै आएको र निरन्तर प्रयत्नशिल रहेकोले अभिभावकहरुको र आफ्ना नानीहरुको निगरानी संगै पठनसंस्कृतिको विकासमा जोड दिनु पर्ने बताए । यस अघि नै कक्षा ९ र १० का अभिभावक संग सम्बाद सम्पन्न भएको शिक्षक कट्टेलले जानकारी दिए ।
