बिर्तामोड २९ श्रावण । बिर्तामोडनगरपालिका वडा नम्बर ४ मा सयपत्री टोल बालक्लब गठन गरिएको छ।
खगेन्द्र कुमार थापाको अध्यक्षतामा गठन भई संचालनमा आएको सयपत्री टोल बिकास संस्थाले सामाजिक गतिविधि गर्दै आएको छ।
शनिबार संस्थाले गरीमा गुरुङको संयोजकत्वमा १५ सदस्यीय बालक्लब गठन गरिएको काेषाध्यक्ष सुजन थपलियाले जानकारी दिए । सोही अवसरमा बाल क्लबको सुचना पार्टीको उद्द्घाटन समेत गरिएको छ ।
शनिबार संस्थाले टोलबासीहरुको सौजन्यमा ८ वटा डस्टविन सहितको टोलको पहिचान झल्कने साईनबोर्ड निर्माण गरिएको छ।
वडासदस्य केशव श्रेष्ठको प्रमुख आतिथ्यतामा आयोजित कार्यक्रममा नवनिर्वाचित समिति लाई सपथग्रहण गराईएको थियो । प्रमुख अतिथी श्रेष्ठले टोल बिकास संस्था बिकासको मेरुदण्ड भएको बताए । समाजको बिकासका लागि युवा र समाजका सचेत बर्ग अग्रपंक्तिमा आउन आग्रह गर्दै श्रेष्ठले रुपान्तरणका लागि एकजुट हुन आग्रह गरे।
