१० असार , बिर्तामोड । बिर्तामोड २ स्थित निदि माध्यमिक बिद्यालयमा विद्यार्थीहरुको नेतृत्व चयन मतदान प्रक्रियाबाट सम्पन्न गरीएको छ । 
बिद्यालयमा अध्यनरत कक्षा ५ देखि ९ सम्मका २ सय ४६ जना विद्यार्थीहरु मतदानमा सहभागी रहेका थिए ।
प्रक्रियागत निर्वाचन सम्बन्धिको जानकारी, नेतृत्व चयनमा जनचेतना सहीतको सृजनात्मक अभ्यासले प्रभावकारी भुमिका खेल्ने भएकाले यस्तो अभ्यास गरिएको प्रधानाध्यापक भीष्म प्रसाईले बताउनु भयो ।
सुनेका र पढेका कुरा ब्यबहारिक रूपमा प्रयोगात्मक सिकाई सहजीकरण अन्तरगत असल नागरिक बन्न बालबालिका लाई यस्तो अभ्यास गराईएको बालक्लब फोकल पर्सन नवीन आचार्यले बताउनु भयो । बिद्यालयका क्याप्टेन तथा भाईस क्याप्टेनको निर्वाचनमा ९०% मतदाताले मतदान प्रक्रियामा भाग लिएका थिए ।
१ सय २४ जना बालक र १ सय २२ बालिकाले मुख्य २ पदका लागि मतदान गरेका थिए । भने १० जना उम्मेद्बारले उम्मेद्बारी दिएका थिए । सम्पन्न निर्वाचन बाट क्याप्टेनमा कक्षा ९ का इसान भट्टराइ र कक्षा ८ का लाविनहाङ सुव्बा योङ्हाङ भाईसक्याप्टेनमा बिजयी भएका निर्वाचन आयोग प्रमुख आचार्यले जानकारी दिनुभयो ।
